陳凱琳自家朱古力品牌再出新品 朱古力大福惹劣評：硬X過我條命

GIRLAV

陳凱琳（Grace）與鄭嘉穎2018年結婚，先後誕下三名兒子，一家五口幸福滿瀉。陳凱琳減少幕前拍劇工作，轉型做KOL兼進軍飲食界，吸金力驚人。較早前佢開設嘅自家朱古力品牌推出一款價值$228嘅「媽咪麵杜拜朱古力」，可惜劣評如潮，仲被Foodie「誠實食評師 大陳」指係「大中伏」及「終極智商稅」，而陳凱琳亦有回應事件，表示自己冇迫人去食，及覺得每一個人都有唔同嘅口味。

近日陳凱琳聯乘前YouTuber BOMBA成員爆江嘅家族老字號餅店推出新品－號稱「全港最好食嘅朱古力大福」，不過同樣遭到劣評，有網民嘗試用攪拌熱飲嘅木棍戳下去大福，點知大福嘅糯米皮非常硬，及內餡並冇「爆漿」效果。

呢個PO一出，唔少網民紛紛留言和應，例如「陳凱琳咁瘦 係咪因為佢自己都食唔落自己整嘅嘢？」、「佢上次個開心果朱古力都勁難食 我未食過d 咁怪味嘅朱古力」、「係大福啊 我冇見過大福個皮係硬到可以篤得入去架」、「糯米皮都可以俾佢整成硬到掉死狗都真係唔容易」、「自稱係大福 睇佢搣得咁辛苦都戥佢可憐」、「真係好乾 仲要裂埋」、「大福？係大伏」、「買過，唔會再買。咁嘅質素好難留到客」、「陳凱琳代言一律避開」及「飲食界陳百祥」等等。

howardwo

口味真係人人唔同嘅！