容祖兒與空姐撞樣被指「世界另一個容祖兒」：感覺下一秒就開始唱東京人壽

GIRLAV · 發表於 2025-8-5 20:09:34

容祖兒貴為樂壇天后，工作接不停，不時到世界各地出席各類型活動。因要飛到唔同國家，唔少粉絲都曾經喺機場偶遇容祖兒，即使係素顏及休閒打扮，仍試過被網民認出求合照，有網民更大讚容祖兒入行至今愈來愈靚女。不過近日有網民竟然喺飛機上遇到「容祖兒」著上空姐制服服務乘客？原來，只係人有相似。

日前有網民於社交平台分享一段空姐喺飛機上工作嘅影片，寫道：「容祖兒你幾時轉行做左空姐架」，從影片中看到，該空姐正忙於幫乘客將手提行李放上行李架上，其側面睇起上嚟激似容祖兒，加埋個長曲髮髮型，簡直係容祖兒2.0，唔少網民都表示激似容祖兒：「世界另一個容祖兒」、「側面睇有九成似」、「真係幾似，但都係靚嘅」、「感覺下一秒就開始唱東京人壽」、「有無唱空港？」等等，有網民更笑指容祖兒未開演唱會，所以搵啲嘢做去消磨時間。