「細細粒」陳嘉佳揸7小時車去福州疑似反彈身形成網民焦點：係咪肥返？

GIRLAV · 發表於 2025-8-5 20:04:49

40歲嘅陳嘉佳（細細粒）肥妹仔形象深入民心，近年專注內地發展，透過直播帶貨及吃播而人氣急升，吸金力強勁。佢喺2023年因健康響起警號而決心減肥，由最高峰286磅減至約150磅，冇晒高血糖、高血壓、脂肪肝等問題，仲不時於社交平台上載泳衣、吊帶衫及著婚紗嘅靚相，大曬減肥成果。不過近日佢現身王祖藍演唱會及其上載嘅影片，都睇得出身形出現變化。

喺近日上載到小紅書嘅影片中，佢特意揸7個多鐘頭車前往福州，一到步已經食手工包子，之後再食油餅及鍋邊糊等不同嘅美食，晚上就揸車返去杭州。喺影片中，佢嘅疑似反彈身形成為焦點，惹唔少網民留言，例如「怎麼又胖了」、「細細粒又胖回去了嗎？」「寶寶都係肥嘟嘟好看一點，比較有觀眾緣一點！」、「係咪肥返？」、「又胖回來了！」及「這是又復胖了嗎」等等。