林盛斌Bob做代言人上到門才知被騙 網民：報東張

GIRLAV

TVB藝人林盛斌（Bob）近日遇上奇怪騙案，對方卻似惡作劇，他在社交媒體分享事件，不少網民都覺得離奇古怪，更建議他「報東張」、更有人指出余迪偉同樣曾遇類似事件。

Bob指：「呢件事，其實係要報東張嘅⋯⋯對方李先生send咗張卡片過嚟，話係旺角一間老人院嘅負責人，佢話佢哋想搵我做代言人拍廣告，做吓宣傳⋯⋯最後大家決定去馬，好開心，job confirmed！」結果與經理人跟對方開過會，覺得對方正常，於是落實廣告，並一起上老人院跟對方見面：「入到去，我哋同接待處個職員講話我哋約咗李生開會，然後個職員就黑人問號：『李生？邊個李生？我哋呢度冇呢個人。』原來過去呢段日子，呢個所謂嘅『李先生』已經用過唔同嘅名字、身份、卡片同資料，利用佢哋老人院嘅名義去訂唔同嘅物件同貨品⋯⋯之前佢哋已經報咗警，備咗案，喺呢個時候，Kaman不斷打電話俾呢個李先生，對方已經冇再聽電話，冇任何回覆。」

但此事上Bob沒有金錢損失，純粹是讓他與經理人折騰了一輪：「雖然我唔知道呢啲算係騙案定係惡作劇，亦都唔知道點樣可以叫大家小心避免呢啲事，總之就係要執生啦，唉，黐鬼線！呢單嘢，真係好癲。」

不少網民都有回應，指這次惡作劇多於騙案，亦表示可能是老人院得罪人。「橋唔怕舊，最緊要受，好彩只損失時間」、「勞民傷財，損人不利己，條友好賤！」、「可能佢曾經係呢個老人院家屬嘅苦主，正常人邊會咁大仇口，付出咁多做咁多無聊嘢，又唔係為咗呃你錢」。亦有幾個留言説，余迪偉都曾經遇上類似事件，藝人們要多加留意小心。

howardwo

有咁嘅樹？！