林峯為5歲女兒預訂特色酒店 格格化身小美人魚正面樣貌激罕曝光

GIRLAV

林峯與細10年內地模特兒張馨月於2019年結婚，二人育有女兒「格格」Luna，林峯即使工作忙碌，但必定會抽空陪伴家人並到處旅行。日前林峯就帶同老婆張馨月和格格到新加坡旅行，張馨月於社交平台大晒幸福旅遊照，仲罕有地曝光格格正面樣貌。

出名愛妻及愛囡嘅林峯帶同老婆囡囡到訪新加坡魚尾獅公園等著名景點觀光，陪格格行玩具店，仲為滿足格格對美人魚嘅童話幻想，特意預訂一家可以喺房間內觀賞巨型玻璃魚缸嘅特色酒店；張馨月亦幫格格準備咗套美人魚服裝，等格格化身小美人魚一圓美人魚夢。張馨月分享多張旅行靚相，並以格格嘅口吻寫道：「我的暑假旅行第一站新加坡，最近迷上了美人魚，爸爸給我訂了可以在房間裏看魚的酒店，媽媽給我買了美人魚的衣服，幫我實現了小小願望。」從照片中看到，其中一張相格格罕有露出正面，雖然戴住太陽眼鏡，但面型尖尖，笑起來與林峯如同餅印，唔少網民都將焦點放喺格格身上。激讚格格遺傳父母優良基因：「格格愈大愈靚女！長腿臉尖尖，未來不得了！」、「感覺女兒是像媽媽的臉」、「娃很可愛啊」、「格格和林峯笑的簡直一模一樣」、「同爸爸十足餅印！基因太強大，完全遺傳了父母的優良基因！」、「根本是迷你林峯！」等等，又有唔少網民激讚林峯係絕世好爸爸。

howardwo

星二代