劉佩玥遇狂迷衝破保安防線強捉手臂 被嚇至花容失色眼神充滿驚慌

GIRLAV

TVB劇集《執法者們》於7月25日迎來大結局，於劇中飾演徐思思嘅劉佩玥（Moon）無論喺角色定衣著都好有發揮，兩場喊戲演技備受認同，而長直髮OL造型則被網民激讚。日前劉佩玥現身《執法者們》宣傳活動，離開時被粉絲包圍，更有粉絲直接伸手捉住劉佩玥嘅手臂，嚇得佢花容失色。

當日活動大批粉絲到場支持，當同劇演員劉穎鏇（Tiffany）和劉佩玥準備離開時，場面一度混亂失控，劉佩玥全程用手按住心口並低頭向前行，眼神充滿驚慌。有粉絲突衝破多名保安防線，伸手捉住劉佩玥手臂，嚇到佢即刻縮開，最終喺多名保安員護送下安全離開。唔少網民表示心痛劉佩玥，留言：「好心疼，希望大家理智一點」、「睇阿Moon表情肯定會嚇親」、「心疼Moon仔與Tiffany，咁樣來擠佢哋」、「TVB不能多請點保鏢？幫它宣傳劇」、「心疼阿Moon，想要合照簽名都不是這樣」等等，不過都有網民估計嗰隻手可能係保安想捉實劉佩玥帶佢離開現場。