|
|
伍詠薇（伍姑娘）1989年參選亞洲小姐競選勇奪「最上鏡小姐」入行，1994年轉投TVB，主力拍劇，曾出演《我的野蠻奶奶》、《天地男兒》、《97家有喜事》、《美麗高解像》、《金宵大廈2》等經典劇集。早於7月初，伍詠薇於社交平台分享到健身中心享受水療設施嘅照片，當喺舒壓淋浴間被水淋濕後，白色運動上衣意外透視出內裡嘅鮮黃色運動內衣，亦令人留意到其零贅肉身材，被讚完全唔似56歲。日前伍詠薇又分享自己嘅OOTD，大晒價值HK$75,600嘅名牌黃色手袋，袋上更有標誌性嘅小馬吊飾，配襯佢當日所穿嘅黑色長裙，極為高貴，而伍詠薇自己都標註咗「法式輕熟風」、「優雅的女人」嘅字眼。伍詠薇嘅OOTD照亦意外曝光其白石角豪宅。
從照片中看到，伍詠薇豪宅裝潢簡約，以白色牆身為主，感覺寬敞舒適。據悉伍詠薇於2023年以5.1萬元承租白石角天賦海灣7座高層A室，實用面積1,708平方呎，該單位坐擁吐露港海景及遠望八仙嶺一帶山景，擁有4房；業主於2019年以約3,100萬元買入該單位。
伍詠薇於1989年認識比自己年長31歲嘅會計師樓合夥人翁江培，翌年二人結婚。不過結婚13日後，翁江培於伍詠薇北上登台期間心臟病發猝逝。伍詠薇於1999年與廣告人練海棠喺加拿大結婚，婚後男方曾兩度被爆出軌，伍詠薇卻選擇原諒，並認為自己都有責任，曾於接受商台節目《1圈圈 星光背後》訪問，表示老公係自己揀，與其諗係咪對方錯晒，不如檢討吓自己有冇錯：「其實我自己都有啲責任，因為慣住做嘢，少咗時間陪佢。」 |
|
在線雷達
發表於 2025-7-22 18:22:39
廣播
置頂
推舊帖
收嗲鳥
油顏色
