麥明詩闖入駕駛艙為盛勁為影相 被質疑影響飛行

GIRLAV

「十優港姐」麥明詩（Louisa）今年3月誕下兒子，榮升新手媽媽，同機師老公盛勁為更係恩愛十足，日前佢就同盛勁為快閃南京，點知因為一張駕駛艙相而被推上風口浪尖。

麥明詩晒出自己闖入駕駛艙見老公嘅開心相，盛勁為坐喺機師座位滿面笑容，窗外可見當時飛機仍在機場未在飛行。麥明詩發文問網友南京有咩美食，引嚟網民質疑：「乜嗰個位可以影相嘅咩？小心影響老公喎。」盛勁為親自回覆該則留言霸氣護妻：「已停在地上、開了門是可以的。」又有網民留言提點：「機場入境大堂都唔可以影相㗎🙈🙈仲要內地添」麥明詩即急急知錯留言：「😳😳😳下次小心啲」！

麥明詩又分享多張南京旅行美照，小背心加短裙喺大太陽下周圍行，生完BB後火速瘦身嘅佢Fit到漏，又有人提醒麥明詩唔好曬黑，麥明詩積極回覆留言指：「真的要多喝水。」對於被質疑恐影響飛行，麥明詩繼續發文稱二人於掛起10號颱風前已起飛，自己亦係因為意外假期先可以好好咁瞓一覺，為之前湊B冇時停而補眠。佢仲特意留言，稱：「*駕駛艙拍照時，飛機已降落，停在地上並開了門。」為自己再次平反。

howardwo

有咁嘅樹！