夏韶聲被黎彼得質疑開紅館告別騷 寸爆回應 ：佢未有呢個級數資格

GIRLAV

現年75歲嘅殿堂級填詞人黎彼得，較早前得進軍YouTube界主持節目《玖噏秘笈》，以嬉笑怒罵形式大談民生話題及圈中秘聞，每集皆有唔同主題，早前佢就喺節目講到8月喺紅館舉行告別演唱會嘅夏韶聲，並話：「佢而家真係好笑喎，無端端重出江湖做咩演唱會啫？喂！你嗰時最『當老肯』嗰時，又《交叉點》又《空凳》又咩《結他低泣時》，最紅嗰時唔見你開演唱會？」而夏韶聲近日現身書展，為《天眼》特別紀念版2025舉行簽名見面會，佢喺接受傳媒訪問時亦有回應事件。

喺喺接受傳媒訪問時，夏韶聲回應黎彼得嘅言論：「哦，呢個阿叔呀！佢未有呢個級數、資格去評我喎！真㗎，佢未到呢個級數，所以其實佢唔係話緊我，佢係話緊第二啲嘢啫，其實我知佢攞我嚟碌卡嘅啫，所以我唔理佢。」被問到有咩感受時，佢就話：「都冇乜嘅，即係我識佢太耐，同埋佢係點樣出身都好，爬得幾高都好，佢真係唔係喺嗰個級數度，佢冇資格話我㗎！我亦都唔會嬲佢，因為佢根本就唔係話緊我，佢借我過橋咋嘛，真係多謝佢呀！」

howardwo

咁都有意件？！