盧覓雪解釋姜濤墮海搶口言論：我嘅語氣係關心

GIRLAV

叱咤903節目《在晴朗的一天出發》主持盧覓雪早前談及姜濤墮海事件「智商應該有啲問題」，言論令一眾粉絲震怒。7月18日盧覓雪出席書展活動，首開腔回應。

盧覓雪解釋：「唔係，大家未聽清楚我講乜嘢，我係引用佢見記者時所講嘅嘢，記者問佢情緒有冇問題，佢話冇問題，解釋食藥飲酒跑步，4點幾時間，我只係笑，用幽默感話如果情緒冇問題，就係智商應該有問題。香港過咗夏至，日落時間大約7點幾，如睇日落未免太早，曬到暈都睇唔到，我嘅語氣係關心。言者無心聽者有意，如果要砌我都無法子解釋。」

對於網上的節目重溫版刪去「智商應該有啲問題」，盧覓雪就表示因為事件後她放假，亦不知說話被刪，她相信是有人投訴。她認為商台處理合理，自己沒hard feeling，不會覺得商台處理不公，商台亦沒問她任何一句，更沒有懲罰亦沒炒她，事件沒影響情緒。

問事後有否致電姜濤或花姐？盧覓雪指：「我冇姜濤電話，我都想有。花姐就免喇，因為中間人很複雜，當面講好啲。正如姜濤話有機會都想識我呢個前輩，我都好願意認識呢個後輩。」

至於擔任《在晴朗的一天出發》製作組的DJ蔓兒，竟在盧覓雪言論後一天突然被炒，盧覓雪澄清與她無關，強調不要混為一談、無中生有。

howardwo

關仁隠事咩！