|
|
80年代喺TVB擔任主持同演員嘅潘芳芳向來給觀眾知性正面印象。潘芳芳同舊同事陳冠豪(Francis)2005年成婚後以43歲之齡誕下兒子陳健御，唔經唔覺囝囝已經讀緊大學。
潘芳芳早前接受港台節目《香江暖流》訪問，談及入行經過同近況。潘芳芳80年代喺美國夏威夷讀大學時主修旅遊及酒店管理，回港後加入TVB成為撰稿員，後來因緣際會下入讀TVB藝訓班，並成為《香港早晨》等節目主持，並且有機會拍劇。
潘芳芳訪問中提到當年喺TVB工作時認識任職PA嘅陳冠豪，相識廿幾年後Francis已經返回加拿大生活，當時潘芳芳將要到加國旅行，於是聯絡Francis，並且好自然咁發展。後來潘芳芳回港，Francis放棄事業跟隨回港。
翻查資料，潘芳芳同陳冠豪曾經一齊出席TVB節目大談相處之道，潘芳芳對當時Francis為愛情放棄一切好感動。而陳冠豪喺節目中展現靚聲，的確相當有磁性。喺港台嘅訪問中，主持之一Harry哥哥都有提及，當年同Francis做同事，目擊唔少女聽眾去到直播室外睇住Francis做節目，更認為Francis當年吸引力比起靚聲音樂情人鄭子誠有過之而無不及！值得一提係，潘芳芳以往同過好幾位才子交往，當中包括仍未成名嘅黃子華、電影編劇李志毅等。
曾經做過配音嘅潘芳芳，兒子盡得父母遺傳，童年時已經為卡通配音。現在Queston喺加拿大讀大學，但芳芳笑言，囝囝話「你地咁窮」，故此並冇修讀演藝或創作嘅學科，而係選擇工商管理課程。 |
|
在線雷達
發表於 2025-7-17 11:43:55
廣播
置頂
推舊帖
收嗲鳥
油顏色
