唐詩詠吐司店中環開分店 曾志偉被爆係幕後老闆

GIRLAV

唐詩詠（Natalie）於2003年拍攝青春劇《當四葉草碰上劍尖時》入行，曾拍攝《超能使者》、《載得有情人》、《天幕下的戀人》、《最美麗的第七天》等多套劇集，2017年憑劇集《不懂撒嬌的女人》勇奪視后寶座，至2022年宣布離巢。離開TVB後，唐詩詠仍有唔少工作機會，包括舞台劇、為HOY TV拍攝旅遊節目《英國邊忽好》，以及唔同廣告和商演。除此之外，唐詩詠於去年10月喺銅鑼灣開設日式吐司專門店，又親自到店幫忙，一開業火速成為人氣排隊店之一。不過早前吐司專門店嘅排隊人龍已消失，唔少網民更認為唐詩詠吐司店定價過高，認為熱潮已減退。唐詩詠近日又喺中環開設分店，其嘉賓上山詩鈉竟爆出吐司店幕後老闆疑似係曾志偉？

上山詩鈉現身唐詩詠吐司專門店嘅開幕活動，並分享與曾志偉嘅合照，寫道：「Congrats darling曾志偉！33cubread登陸中環，大家快啲嚟試吓啦！」呢句加上之前曾志偉曾身穿制服現身銅鑼灣店開幕日，當時就有傳聞指曾志偉係吐司店老闆之一，不過唐詩詠就否認，指吐司店係佢與4個女生朋友合資。

howardwo

生意興隆