翁虹女兒劉蒔被激讚「顏值超越媽媽」 情同閨蜜揭媽媽私底下性格

GIRLAV

56歲翁虹於1989年參選香港亞洲小姐競選勇奪冠軍入行，先後有過兩段婚姻，曾於2003年與伍偉傑結婚，兩年後離婚；2007年則再婚現任老公劉冠廷，誕下女兒劉蒔（小水晶）。日前翁虹拍片透露已與老公分居3年，老公於美國陪伴女兒，僅一年見一次，不過佢就指出夫妻感情反而更好，大讚老公支持佢嘅事業及彼此信任尊重，亦與女兒關係良好。

劉蒔片中話媽媽翁虹喺螢幕中同喺佢身邊，係兩個完全唔同嘅形象，平日喺屋企翁虹係一個大頭蝦，出門唔係唔記得換鞋，就係唔記得拎鎖匙。劉蒔又指媽媽喺上綜藝、演電視劇同影雜誌時，都會表演出唔同專業嘅一面，但私底下嘅翁虹，係會為咗追劇而忘記咗自己做緊家務。雖然睇落條片好似係咁數媽媽嘅不是，但其實小水晶想講自己同媽媽嘅感情相當好，平時翁虹除咗會好似姊妹咁同佢一齊逛街外，亦會同佢一齊做好多事，最重要係佢話媽媽係閨蜜、老師、亦係世界上唯一同佢共享過心跳嘅人。

劉蒔喺過往亦曾分享一家人嘅合照，劉蒔和翁虹被讚天生明星相，又有唔少網民大讚劉蒔係美人胚子：「這在我眼裡已經青出於藍而勝於藍了」、「顏值超越媽媽的星二代」、「她絕對是星二代裡最美的」等等。對於劉蒔嘅戀愛狀況及會否出道加入演藝圈，翁虹則表示早就為女兒下達「禁愛令」，表示順利考大學會批準佢拍拖。至於被問及將來會不會畀女兒出道？翁虹即時表示「有點困難」。

howardwo

最美星二代