林作媽媽缺席麥明詩兒子百日宴 裕美爆王莉妮曾指「件事好煩」

GIRLAV

現年33歲嘅「十優港姐」麥明詩（Louisa），喺今年3月誕下兒子，一家三口幸福滿瀉。日前佢同機師老公盛勁為仲幫BB舉行百日宴，不過前度男友林作嘅媽媽王莉妮（Lily）當日竟然缺席。

麥明詩對囝囝一向保護有加，每次出PO都會刻意遮住BB個樣，不過早前就被王莉妮無意公開，引致囝囝外貌曝光，而王莉妮亦被網民抨擊。

林作女友裕美喺6月接受訪問，期間以不開名形式暗指麥明詩設圈套，更經常用微信聯絡林作媽媽，希望可以遊說佢做囝囝嘅契媽，裕美直言：「有病嘅人先會諗到咁嘅嘢！」而麥明詩亦有喺受訪時表示與王莉妮一直關係良好，對於裕美嘅言論就不作回應。麥明詩揚言「係我中咗人圈套」，之後林作公開力撐女友兼警告前度唔好搞到佢女人。事後麥明詩澄清所指「圈套」係記者嘅提問，及希望事件可以告一段落。

去到7月11日裕美再接受媒體訪問，期間被問到王莉妮缺席麥明詩囝囝百日宴一事，佢就話唔知佢嘅諗法，佢有自己嘅朋友圈及生活，不過就話佢曾經表示「件事好煩」，唔想再繼續煩。而裕美表示自己喺分手後，唔會再同前度嘅家人聯絡，對方有咗另一半就更加唔會。裕美指林作覺得好奇怪，佢同麥明詩分手多年，大家中間亦換過幾個伴侶，唔明白點解仲要繼續將二人作話題。

howardwo

鷄毛蒜皮