陳瀅重返女神身材巔峰與10年前相比僅相差5磅激養眼

GIRLAV · 發表於 5 天前

陳瀅（Jeannie）嘅身形經常成為網民討論話題，佢就曾坦言自己係易肥體質，加上平時鍾意食炸雞和壽司等食物，必須靠做運動同忍口先可以保持身形。陳瀅近期落力Keep Fit，日前以低胸裙造型並戴上價值千萬嘅鑽飾出席鑽石品牌活動，身形明顯變得纖瘦。

陳瀅透露新劇《璀璨之城》內有場大膽場口要著好少衫，因此現正積極健身增肌，希望操到馬甲線，畀觀眾一個驚喜；表示呢場戲比《執法者們》嘅強暴戲更大膽，強調係由自己主動提出。至於被問到對手是否張智霖，陳瀅則笑而不語，大賣關子。

陳瀅亦表示與10年前拍寫真時相比，體重僅相差5磅，自己由年初開始已積極鍛鍊，不時約《痞子殿下》演員做運動，例如會與周嘉洛、朱敏瀚健身，以及與JW（王灝兒）踩室內單車，希望盡快回復當年狀態。除咗以性感造型亮相活動，陳瀅更喺社交平台大晒比堅尼靚相，雖然未見露出正面，但側面已非常吸睛。

本帖最後由 GIRLAV 於 2025-7-8 11:35 編輯