黃心穎將「心很累」情緒寫到新歌 表示感釋懷和開朗 網民：有咩資格講要釋懷

GIRLAV

黃心穎因6年前「安心事件」令星途直插谷底，近年由演員轉型歌手，早前推出第4首歌《看透世間美事》，親自作曲和填詞，並用咗6位數去製作，藉由歌曲抒發鬱結情緒，經歷人生低潮到學會平靜嘅心境變化。

黃心穎近日接受媒體訪問時，坦言新歌創作靈感來自於過往「心很累」嘅情緒起伏，直言當以為自己情緒已好返好多，但突然又好似被情緒吞噬一樣，長期與自己情緒搏鬥，感覺好攰，因而決定將呢啲感受寫成歌曲，又指新歌與過往三首歌嘅風格唔同，之前嘅歌傾向鬱悶，新歌就有種釋懷和開朗感覺。以往嘅歌曲老公泥鯭都有份製作，談到為何新歌唔搵泥鯭，黃心穎回應指係老公提議佢與其他音樂人合作，希望佢可從中學習及擦出更多火花；不過，泥鯭仍貼心地經常喺決策上畀意見和幫助。

對於網民對黃心穎嘅負面評價會否影響佢做唔同嘢嘅決定，黃心穎表示以前會較易受影響，但而家就清楚知道自己想做嘅時候專注投入，唔應該受其他事情影響，認為人哋一句說話唔應該影響你一世或一個決定，透露泥鯭叫佢唔使理人哋，最緊要做自己嘅嘢，又分享與泥鯭一直以家人般嘅方式相處，好多嘢都事前唔洗特別講，結婚近兩年，坦言生活冇太大改變，雙方都冇要求對方改變。至於自己，黃心穎笑指係85分老婆，表示泥鯭希望佢多煲湯及多啲早起身帶狗散步。

不過，唔少網民對黃心穎訪問所提及嘅情緒經歷感到突兀，認為明明係出軌嘅一方但就喺到話自己已釋懷，又指唔明點解泥鯭會同黃心穎結婚：「『有一種釋懷嘅感覺』釋懷由背叛嗰方講，幾好笑」、「出歌唔理人咁出嚟做乜」、「次次出黎都提返件事，人地兩公婆真係多得你唔少」、「咁搞笑，搞人老公有咩資格講要釋懷????」、「年年凈係靠出軌訪問先有曝光都幾難搞，每一年訪問一次就係問件事對佢有冇影響」等等。

howardwo

原來係咁嘅！