歐倩怡回應郭晉安與莊子璇「父女戀」緋聞 與仔女唔會傾前夫

GIRLAV

一直被認為係模範夫妻嘅郭晉安與歐倩怡於今年5月無預警下宣布結束18年婚姻，一對仔女郭令山及郭以雅與爸爸郭晉安同住。二人離婚後，歐倩怡曾數臭前夫郭晉安，自爆多年前曾遇到發燒、呼吸困難及失禁情況，但身邊人懶理佢，又直言自己好等錢使，郭晉安則未有理會，表示分開咗各有各嘅生活，好難控制對方講咩，並繼續專注工作。60歲郭晉安早前與23歲港姐冠軍莊子璇（Hilary）被影到多次一同出席聚會及打網球，因而傳出「父女戀」緋聞；日前歐倩怡回應郭晉安嘅緋聞。

歐倩怡近日忙於為HOY TV拍攝《健康關注組》，以營養師身份分享健康資訊。對於前夫郭晉安與莊子璇嘅緋聞，佢就表示自己冇無留意新聞，指最近忙緊其他嘢所以對事情唔理解，唔方便去評論。歐倩怡又指自己與一對仔女平時唔會談到郭晉安，溝通主要圍繞住吃喝玩樂。被問到如果郭晉安有新戀情會否送上祝福，歐倩怡則指如果真係有新戀情，到時大家就會知道佢嘅反應。

郭晉安曾於5月出席「名人明星慈善網球賽2025」首度回應緋聞，被問到是否接受「年輕一大截嘅女仔？」，表示唔會排除任何可能性，笑指：「嗱，坦白講，愛情無分年齡界限，發生咗我先答你。如果真係有一啲......我都唔知架嘛。」續指自己係I人，比較難認識對象，需要增加自己機會，形容正在努力嘗試。

howardwo

傳出緋聞