姜濤墮海後見記者認有飲酒食藥 睇夕陽後頭暈：我跌落去嗰吓我唔知

GIRLAV

姜濤6月24日下午墮海，獲救時清醒，並送院治理。6月25日姜濤已經出院，如常出席歌迷活動，完成活動即飛往巴黎。姜濤晚上於機場外見記者簡單交代身體情況：「身體狀況冇事，醫生check過一切安好，唔使擔心。」

至於事發經過，他表示：「自己跑步時想坐喺海邊睇吓個夕陽，做咗個唔好示範，跨咗欄杆出去。但我起身諗住落返去，就有少少暈，就跌咗落去，所以都係好意外嘅嘢。」他否認自己有情緒問題，但承認有食藥：「有食少少止痛藥，因為頭好痛。（飲酒？）少少。」但並非借酒消愁。「我跌落去嗰吓我唔知，係落咗水先，哇咩事！」他亦承認有嚇親父母：「有呀，好快返到去都同佢哋解釋返。」

至於6月24日墮海，翌日已極速復工，他表示屬自己意願：「自己覺得身體冇乜大礙，所以今日如常工作。本身公司都想我抖下，大家都唔建議我出嚟，但出面好多謠言或猜測，所以我想講我係冇事，自己嘅意願出嚟做嘢。」而照於粉絲見面會見大家，是四子（姜濤、Edan、Anson Lo、Jeremy）一同決定：「既然嚟到，唔想fans失望，我哋點都見一見fans，（活動）會另外擇日子再舉行，到時會畀個完整fan meet畀大家。」簡單記者會完畢後，他即飛往巴黎工作，而機場外有大批粉絲守候支持。

howardwo

可能需要睇下心理醫生