50歲向海嵐凍齡拍片被激讚 內地超級市場試食惹爭議？

GIRLAV

現年50歲嘅向海嵐（Anne），1998年勇奪香港小姐冠軍、最上鏡小姐、環球美態大獎、動感都會大使，以四料冠軍姿態入行，拍過唔少深入民心嘅電視劇，例如《楊貴妃》及《無頭東宮》等等。2008年毅然退出娛樂圈；2018與朋友於中環開設翡翠珠寶店；2020年亦有入股投資保健產品，直到近期突然復出，活躍於內地社交平台。早前佢已經拍片體驗無人機送外賣服務，期間已經展現其慳家本色，最近佢又再拍片，介紹內地超級市場期間零消費之餘，仲邊行邊試吃。

活躍於內地社交平台嘅向海嵐，最近上載一條以「香港女星北上，在超市已經吃飽了！」為題嘅影片，影片中嘅佢著上休閒服飾，睇落相當年輕，一啲都唔似年屆半百。佢喺片中大讚內地超級市場細心、食材款式多又新鮮、價錢相宜，期間會仲邊行邊試吃，並話：「太多試吃的東西，幾乎忘了自己是在一個超市裡面」。

影片出街後，唔少網民紛紛留言大讚佢保養得宜，例如「海嵐姐姐還是那麼美」、「真的好漂亮狀態好好」、「感覺變年輕了」、「50歲還是很漂亮」、「姐姐keep 的好好」、「你都没變老」、「好漂亮好有氣質」、「變美了」、「還這麼漂亮怎麼不演戲了呢」及「楊貴妃在逛超市，居然沒人認出來」等等；同時佢邊行邊試吃，但未有消費嘅行為亦引起部分網民爭議，留言表示：「你啥也沒買」及「質素low到爆」等等。

howardwo

保養得宜