江美儀講江嘉敏唔續約欲言又止「有人叫我唔好講咁多TVB嘅嘢」 爆埋《女神配對計劃》後續發展

GIRLAV

由江美儀、鄧兆尊同謝遜主持嘅娛樂爆料節目《娛樂好好玩》，最新一集提到江嘉敏早前喺商台節目自爆唔續約嘅內情。身為視后，江美儀被問到續約討論過程係點時似乎有所顧忌，然後話「有人勸告我唔好講咁多TVB嘅嘢」 ，再強調係「聽聞」TVB同藝員續約要經多次討論先成事，鄧兆尊指「有份量嘅人可以傾多幾次」江美儀就話「都係嘅」，相當小心。鄧兆尊之後補充，有部份藝員係同TVB高層出去食飯傾續約，有啲就係上TVB辦公室傾，江美儀就話自己係透過電話傾。

至於江嘉敏，江美儀話對方第一套劇《親親我好媽》就係演佢個女，形容江嘉敏「勁」，因為當時Kaman未係TVB人，而且戲份唔少，美儀又話當時了解過係咪江嘉敏有人照住先用﹐但就得知劇組純粹覺得佢表現好，合作過後江美儀都讚Kaman聰明有天份。

此外身為《女神配對計劃》花生團成員，江美儀都透露節目幾對女神同追求者嘅後續發展，例如「東張女神」梁敏巧（Maggie）所選擇的對象、被爆黑材料嘅10優狀元醫生譚品堯，美儀話譚品堯喺之後嘅集數，做咗一樣其他追求者冇做，但係相當加分嘅事。美儀又透露，5位女神同追求者完成首次約會之後，將會同有得留低嘅追求者去camp，朝夕相對5至7日，等雙方互相了解。

howardwo

有咁嘅樹！