王嘉爾巴黎參加品牌活動 落車「口中冒煙」 被指噴向工作人員惹負評

GIRLAV

近年蜚聲國際嘅王嘉爾Jackson，除咗做音樂之外仲跨界踩入潮流時尚行業，日前佢去到法國巴黎出席活動，仲宣布同國際級潮人Pharrell Williams嘅品牌合作。

有網民影到王嘉爾當日抵達現場時，一落車就「吐出仙氣」，口中居然冒煙，而且直接飄向隨從人員。Jackson落車之後同在場守候嘅fans同傳媒打招呼揮手兼送上飛吻，等大家影個夠先行入會場，相當識做。不過網上就有批評認為，王嘉爾向工作人員噴煙好唔尊重，「真的不藏了」。其他網民就認為「抽煙是個人選擇，但吐在人家臉上真的很不ok 」、「私下應該也常做這種事」。

王嘉爾出身自韓團GOT7，而同樣來自韓團BLACK PINK嘅成員Jennie，去年被爆喺室內食電子煙，仲向住化妝師兜口兜面噴煙而惹來炮轟，佢嘅工作室隨後要就行為道歉。不過年初Jennie接受美國雜誌訪問時，被問到噴煙事件時就話「如果韓國人覺得錯了，那我就得彌補」，再次引起討論。

howardwo

無心嘅，啱啱落車啫！