何伯5月兆康站向婦人噴殺蟲水 獲准保釋8月再訊 已搬離與何太同住單位

GIRLAV

何伯與何太於去年接受《東張西望》訪問，哭訴仔女攞走450萬而一夜成名，成為大家茶餘飯後嘅熱門討論話題。5月何伯與何太除咗喺屯門菁田邨菁信樓一單位外爆發衝突而雙雙被捕之外，佢哋仲喺兆康站疑與一名婦人發生口角，何伯之後更用殺蟲水噴向該婦人，被控一項意圖損害而施用毒藥等罪，案件喺6月24日於屯門裁判法院提堂。裁判官應控方申請，將案件押後至8月19日再訊，以便進一步調查，被告獲准以1,000港元現金保釋。庭上透露何伯已經搬離原與何太同住嘅屯門單位，而佢嘅左手兩隻手指被紗布包紥。

案件77歲被告何煊（何伯），報稱係退休人士，佢被控2025年5月25日喺香港新界屯門兆康路港鐵兆康站大堂D出口，期間非法及惡意向一名姓霍嘅婦人施用毒藥或其他殘害性物品或有害物品，即快速滅蟲噴霧，意圖使霍受損害、精神受創或惱怒。

howardwo

關人隠事！