|
|
被網民戲稱為「賞金獵人」嘅洪天明，同2006年港姐亞軍周嘉蔚喺2012年結婚，二人育有兩子。有周刊封面報導指洪天明周嘉蔚婚姻疑似出狀況，甚至影到周嘉蔚擺低老公同囝囝，同3位男士去蒲！
不時喺內地工作嘅洪天明，婚後多次被傳媒爆同女伴出入，2017年更被記者影到喺上海夜蒲仲拖靚女返酒店。當時周嘉蔚對老公表示信任，天明亦都返港陪屋企人。不過今期周刊報導指洪天明同周嘉蔚疑似喺今年初開始感情生變甚至「各有各玩」，並提及由於洪金寶「出聲」，兩公婆只好恩愛示人。早前周嘉蔚為TVB嘅遊戲節目錄影，通告上無提及出現嘅洪天明帶埋大仔TJ出現，天明受訪時就話想多啲留港工作，而近年因為要長駐杭州，佢有意幫2個仔報讀當地學校，但那邊廂周嘉蔚就話會留守香港，似乎二人未有共識。
洪天明過去被記者影得多，今趟輪到「留守香港」嘅周嘉蔚被拍到同好姊妹佘詩曼出席活動後，蹺住曾經係黎明管理嘅唱片公司A-Music總經理王凱文離開，並且仲有多兩名男士一齊轉場去蒲。翌日周嘉蔚陪媽媽參加喪禮，夜晚同朋友fine dining，兩日都唔見有老公陪同。
周刊報導指連日追蹤之下洪天明有唔少時間負責湊仔，做完運動就去學校接放學，而且父子關係唔錯，雙方有講有笑，但就聲稱未見一家四口齊齊出動。報導提到，過去周嘉蔚都會出post晒家庭生活，但近年已經少有咁做。不過睇返周嘉蔚個IG，過去半年不時會見到佢post家庭照，包括今年初一家人去長白山滑雪，大半年前周嘉蔚post過同老公貼面合照，提到兩個仔唔喺身邊十日。喺上周周嘉蔚亦趁父親節出post大讚老公洪天明係好爸爸。 |
|
在線雷達
發表於 
廣播
置頂
推舊帖
收嗲鳥
油顏色
