英超 ｜高爾彭馬新車仔10號主人 自認係夏薩特接班人

PSGF

車路士中場靈魂人物高爾彭馬（Cole Palmer），有一個特殊習慣，坐飛機時習慣戴口罩，有人以為他身體不適，主帥馬利斯卡（Enzo Maresca）則說他耍花樣。惟彭馬自爆，「我只係唔鍾意機艙的味道，所以我搭飛機都會戴口罩，純粹咁，冇其他原因。Enzo 佢唔知，因為佢冇問我。」

現年23歲的他，是英超最令人享受觀賞的球員之一，自由揮灑，有點像以前足球未被過度系統化的年代。難怪費城的世冠盃宣傳海報幾乎到處都是他。他無疑是車路士的最大招牌。「我依然同以前一樣做同樣的事，開心最緊要，我仲好鍾意踢五人波，打機玩 PlayStation，正常到不得了。」

所謂「正常人」彭馬，一到場上就能幹出不正常的事。他在5月歐協聯決賽對貝迪斯時送出兩次精彩助攻，逆轉戰局。

上半季彭馬狀態火熱，頭50場英超正選已直接參與53個入球。雖然聖誕後陷入18場入球荒，但他一向處之泰然，上月對利物浦一戰憑冷靜射入12碼終結荒期後，還不忘嘲諷「啲社交媒體廢噏嘅人」。

來季車路士重返歐聯，彭馬勢必要扛起更大責任。不過眼下焦點是先成為世界冠軍。毫無疑問，車路士已將10號波衫交給仔， 這件波衫此前屬於因禁藥問題被足總起訴的梅迪歷（Mykhailo Mudryk）。

「細個我一直著10號波衫長大，」彭馬說。美斯（Lionel Messi）與朗尼（Wayne Rooney）是他偶像，他也很愛夏薩特（Eden Hazard），夏薩特當年正是車路士10號。

彭馬自覺像是比利時翼鋒的接班人。夏薩特早在2019年離隊，但同樣沒有明星架子，「我見過佢幾次，佢仲同我攞咗件波衫送畀佢啲仔。」彭馬說。

Monfortino

但唔得穩定。

ken1967

未來球隊領袖

HKtraveler

咁勁!

BB29

彭馬仲係爭啲