洪卓立近況曝光被指再度發福 由花美男變崩壞 網民：復活之後走哂樣

GIRLAV

洪卓立（Ken）於2006年英皇新秀歌唱大賽勇奪亞軍，及後簽約成為歌手，被激讚白淨好靚仔好青澀，主打清新花美男路線。洪卓立近年體形突暴漲，花美男不再；2023年與劉沛蘅分手後自爆體重超過200磅，令外界懷疑佢因情傷而暴肥；佢就澄清增磅嘅目的係鍛煉肌肉，亦分享與友人對話截圖，指對方睇完自己多年前嘅MV後表示完全認唔到佢，雖然佢有解釋指人會老，但友人則串爆回應指：「蔡卓妍、容祖兒沒有老，你沒有老，你只是沒有keep住瘦。」洪卓立於去年底表示因腰傷關係停止重訓，又宣布會努力減磅：「看看能不能盡量變回以前『你們很喜歡但我自己很不喜歡』的樣子」，過咗兩個月之後，洪卓立身形明顯瘦削咗少少。不過近日嘅洪卓立似乎又再肥返，身形再次惹熱議。

洪卓立於小紅書分享獻唱陳慧嫻經典歌曲《千千闕歌》嘅片段，從片中所見，洪卓立戴上黑色膠框眼鏡及穿上白色上衣，但頭髮凌亂，而且感覺又再發福，及A字膊嚴重，令網民直言洪卓立再崩壞，留言：「以前那麽帥，現在胖成這樣，臉都是浮腫的，聲音也跟以前不一樣」、「快啲減肥」、「變化太大了」等等。過往亦曾有網民於討論區以「原來洪卓立後生嗰陣咁靚仔」為題發文，認為佢以前個樣贏晒而家九成偶像派，有網民PO出卓立出道嗰陣及近年嘅相作對比，唔少網民都留言指而家嘅洪卓立有少少出事：「真係佢？」、「復活之後走晒樣」、「肥腫難分」、「又一個以為自己天生瘦低但係過咗30歲就飽到成個波咁」、「佢呢啲樣本來就係唔襟老嘅樣」等等。

howardwo

漲咗啲噃