刑偵12 ｜ 自揭過份投入Cut機後喊唔停 陳自瑤林保怡「風雪CP」開心合照獲讚襯到絕

GIRLAV

網民力讚「哭戲很真實」

《刑偵12》先說憑劇中賢慧角色何妙雪、獲網民封為Dream Wife的陳自瑤（Yoyo）。昨晚Yoyo飾演的何妙雪到探監房探丁洛風（林保怡飾），兩分鐘的場口，Yoyo以極具層次的情緒變化，演活強忍心痛、快被心痛感覺淹沒、以及力抗心痛安慰愛人的三大情緒；不但演繹到位，而且縱使Yoyo為了投入演繹一度哭至面容抽搐，但大部分鏡頭仍「喊出仙氣」，果真天生麗質。

場口講述百感交集的妙雪，一來便強忍傷痛、顫抖著向洛風說出「好耐冇見」，之後邊流着淚、邊強顏歡笑報平安。明顯哀傷正值傾瀉邊緣的妙雪，當看到洛風一再自責，為了不讓洛風擔心，妙雪繼續強裝沒事報告近況，並堅定地表示相信洛風的真心；看著痛苦的洛風，妙雪心痛地為其護航：「你淨係有病咋，你唔係有錯呀！」說畢一面心痛的伸出手、隔着玻璃向洛風「問好」及許下愛的承諾：「好啦，我會等你出嚟呀吓。」畫面凄美。網民大讚：「探監那段演得好」、「自瑤好精彩，這個哭戲很真實」、「愈來愈美、演技愈來愈精湛」、「溫暖可愛，是每個男人夢想的老婆」。

一埋位即情緒嚟料 全靠事前沒有踏足一地方？！

談到這場探監戲，Yoyo受訪時坦言是自己很喜歡的一場戲，並感激巢導給予指引：「我前嗰一晚有問巢導意見，到底點樣演會比較好，佢就話要嗰種好心痛、但又要忍住，因為唔想對方難過，但自己其實忍唔住，最後仲要安慰番對方嘅嗰種感覺，跟住我就話好啦，我盡量試吓做啦，然後就主力背好晒啲對白。」Yoyo續指正式拍攝當日，保怡哥拉著她對了一次對白後便說：「得啦！你背熟晒對白喇嘛？即係冇問題啦！」之後Yoyo便全力培養情緒，並沒有踏足拍攝場地-探監室：「正式拍時，我一坐喺個探監室度，啲感覺就全部齊晒，跟住我一見到保怡哥行入嚟，我啲情緒就嚟料。」

情感一發不可收拾的Yoyo，笑言拍畢大頭後補拍手部戲份時，她還是忍不住一再流淚：「啲情緒去到嗰度都未甩到，我係咁喊。可能因為呢場戲啲情緒係想放但又唔放得之間，個情緒變得好複雜同唔係好釋放到…嗰晚我都瞓得唔係好好。」對於Yoyo表現，監製巢導大讚完美專業：「佢完全做到晒我講畀佢嘅所有情緒，佢都好開心做到晒我想佢做嘅嘢。」鏡頭前的Yoyo與保怡因為角色性格含蓄、加上情路一波多折，甚少展現開心笑容，為了「彌補」，Yoyo在個人社交網上載與保怡的開心CP甜蜜合照並留言：「我哋拍劇嘅時候成日喺度講笑，話成部劇集都冇點樣開心咁笑過。趁住保怡哥嗰日心情好，我哋就盡情展露一下呢個燦爛、溫暖又充滿愛嘅笑容」，留言一出，成功引來網民派Likes，大讚「風雪CP」襯到絕，並期待二人再度合作。

howardwo

原來係咁嘅！