54歲鄭艷麗控訴同粉麵公司出現勞資糾紛 自言好辛苦「搞到心力交瘁」

GIRLAV

九十年代拍過多部三級片嘅女星鄭艷麗，近年身體麻麻，更多次進出ICU，不時喺facebook上載住院照片，令人擔憂。

已經冇咩幕前演出嘅鄭艷麗靠打工維生，不過早前佢發文控訴俾之前工作過嘅粉麵公司出現勞資糾紛，搞到心力交瘁。「我用心返工咗幾個月，俾佢無理解僱，仲要逼我自己辭職，用咗好多手段不停咁折磨我我好辛苦，我已經去投訴，唔知仲可以做啲咩」。唔少網民見狀都主動向鄭艷麗提供協助。喺3月時，鄭艷麗提到喺工作中度過生日，更多謝同事嘅祝福。而佢曾經提及因為自己嘅身體問題，唔可以好似正常人咁日日返工，因此時時要轉工。

鄭艷麗近年不時出post透露自己要進出醫院，有段時間差唔多每年都要入院一次，甚至出post感謝醫護人員「再一次搶救我的生命」。2020年6月，鄭艷麗因體內鉀水平過低入院一度入住ICU，當時佢話係因為厭食症所引起，並訴苦話「日日都要咁痛苦地渡過，我唔知我可以撐得幾耐」。唔少網民都留言祝鄭艷麗早日康復。

今年54歲嘅鄭艷麗，1988年參加TVB《銀河接力大賽》而入行，曾經係大台力捧小花，仲拍過梁朝偉主演嘅劇集《俠客行》。後來90年代三級片盛行，外表清秀嘅鄭艷麗亦都加入性感女星行列。鄭艷麗之後認識鍾意結交女星嘅台灣富商黃任中，仲成為黃嘅契女。後來黃任中患病，身邊美女四散，鄭艷麗留守到黃離世為止，堪稱有情有義。冇咩戲拍嘅鄭艷麗偶有靠登台搵食，後來索性洗盡鉛華，搬回屋邨居住仲去快餐店打工，點知被周刊影到成為封面人物。

howardwo

昔日艷星