玄學家楊天命為日本7月大地震預言卜卦 直言：個天話係有

GIRLAV

日本漫畫家龍樹諒（たつき諒）喺作品《我所看見的未來》中，預言指日本將喺2025年7月5日發生大地震及海嘯，唔少遊客都唔敢喺呢段日子前後去日本旅行，引發全球恐慌。玄學家楊天命師傅近日接受YouTube頻道《9BoThew 膠保廢》訪問，談及對呢個日本大地震預言嘅睇法。

喺接受《9BoThew 膠保廢》訪問時，楊師傅直言《我所看見的未來》中對日本大地震嘅預言「寫到好誇張」，佢自己本人亦有就呢個預言去卜卦，而佢表示「個天話係有」，佢亦有喺運程書亦有提醒大家7月及8月有得唔去就唔去日本住，不過佢就話「但係冇咁誇張三個地方連埋，我睇唔到咁大件事，但係真係有7級以上地震我又覺得好大機會嘅」。之後佢仲話有朋友7、8月要去日本比賽，卜卦顯示唔好去比賽。楊師傅自己卜咗兩次卦，卜卦都係顯示7、8月有啲問題要小心，佢都話自己做預測，有時都希望自己唔準，「總之係衰嘢嗰啲就最好唔好準。」而佢自己喺呢段時間亦唔會前往日本。

楊師傅表示香港今年繼續有震感，不過7月5日留喺香港係安全，因為佢幫香港卜嘅流年卦只係話有震感，並唔係好大嘅天災，所以係安全。最後主持阿保及Matthew就話拍片嘅原因係希望大家注意安全，選擇遠離嗰啲地方，而楊師傅亦會「其實已經有啲signal，真係突然間又火山爆發喎，突然間又多咗好多地震喎，信邪先啦！」

howardwo

洩露天機

LasCases

係唔係㗎？