劉嘉玲晒與周星馳合照及經典對白掀回憶殺 網民：個腦即刻有把聲出現

GIRLAV

周星馳拍攝嘅電影幾乎套套都係經典，陪伴許多人長大；電影中亦有唔少台詞一直留存至今。6月17日曾與周星馳合作拍攝1996年賀歲電影《大內密探零零發》嘅劉嘉玲就喺社交平台分享二人合照，仲寫下當年電影嘅經典對白，勾起滿滿回憶殺。

《大內密探零零發》為周星馳和谷德昭聯合導演嘅一套電影，周星馳於電影中飾演朝廷大內密探「保龍一族零零發」，因唔識武功而未受皇帝重用，又慘遭朝中各人白眼。劉嘉玲於社交平台PO出與周星馳合照並寫道：「你肚唔肚餓啊？我煮個麵俾你食呀」，正正就係當年《大內密探零零發》嘅對白，該幕劇情講述零零發因未獲邀請出席「天外飛仙解剖大會」心情極差，與夫人（劉嘉玲飾）談話時突然發爛，仲指要將對方逐出家門；面對零零發嘅數落，夫人亦破口大駡，不過一個轉身就突然溫柔地問對方：「老公，你肚唔肚餓，不如我煮個麵比你食呀？」零零發就被此句說話深深吸引，馬上心軟，即與夫人嚟個愛的抱抱。

對於劉嘉玲嘅分享，唔少藝人及網民都表示好鍾意呢套電影，指有畫面及有聲：「個腦即刻有把聲出現」、「這句台詞我太愛」、「多留意你嘅post係好有驚喜的，好耐都唔見嘅星爺都捉到實同你影相。嘉玲姐果然魅力非凡」、「有聲有畫面」、「你個人好真～做朋友一流」等等。又有眼利網民留意到劉嘉玲所穿嘅T-Shirt印有周星馳新作品《少林女足》和左上角牆上亦有《少林女足》圖案，有傳該電影現已煞科，除咗迪麗熱巴、張藝興、趙麗娜、張小斐飾演此劇，亦有網民估計劉嘉玲有機會喺《大內密探零零發》到客串。

howardwo

大內密探零零發