|
|
TVB戀愛綜藝《女神配對計劃》播出第2集，羅毓儀同林俊其呢對備受討論之外，去年喺TVB節目《呃錢》現身並自稱Babyface嘅KOL黃駿豪，嘗試力追《東張》女神梁敏巧Maggie呢段，同樣備受討論。但係結果就冇羅毓儀同林俊其佢地咁sweet……！
Babyface自我介紹時一如外界印象咁做圭唔少搞笑舉動，又唱《黑玻璃》唱到走音，但依然得到梁敏巧俾機會佢表白；而Babyface亦都認真行埋去向Maggie講「多謝你一直以嚟嘅鼓勵、包容，我會不停進步，我會未來對你更好」，講完馬上返上台，表現瀟灑到出人意表。
主持人林盛斌（阿Bob）問Babyface會唔會有放棄追求Maggie嘅一日，Babyface就話「如果今次失敗咗，咁就算數喇，我會尋找一段新嘅戀情。（唔再係Maggie？)人哋都唔要我，咁……何必呢？」，而梁敏巧最終仍然決定拒絕Babyface，更當場派「好人卡」。「你係好好嘅人，我哋以後可以做朋友。」
Babyface離開海選舞台前仍不忘Maggie鼓勵，又表示「好遺憾，但盡咗力，唔得就係時候要邁向下一個階段。」成個角設由原來嘅搞笑變成認真，令在場嘅人都好震撼，關嘉敏甚至感動到流淚。「我初頭覺得佢係Kam（古怪），但我發現佢企咗喺度好真誠咁同你講哩，佢真係認真架喎！」，主持Bob都對Babyface好大改觀，「由開頭覺得古靈精怪，到今日覺得原來你係好認真嘅人」。反觀梁敏巧因為將3條心動頸鍊當中嘅2條，交俾2位年薪過百萬嘅才俊，有網民認為Maggie目標好清晰！ |
|
在線雷達
發表於 2025-6-16 13:49:32
廣播
置頂
推舊帖
收嗲鳥
油顏色
