高海寧分享劇組經歷最離譜事件 自爆左眼反覆生眼挑針及濕疹

GIRLAV

高海寧於2008年參加《香港小姐競選》奪得「旅遊大使獎」簽約TVB，豐滿身材及逆天長腿成網民焦點。近年搣甩性感，成功透過演技令觀眾多加留意，例如2020年出演內地劇《三十而已》成功打開國內市場、2022年《童時愛上你》飾演因失憶由28歲變回智商8歲嘅「雷紫彤」一角被激讚，以及2023年憑劇集《新聞女王》「許詩晴」一角勇奪《萬千星輝頒獎典禮2023》「最佳女配角」獎項，攀上事業高峰，工作機會不斷，經常中港兩邊走。

最近高海寧除咗忙於《新聞女王2》嘅拍攝之外，亦有參與錄製內地綜藝節目《無限超越班》第三季，而喺最近播出嘅一集，佢就分享喺劇組經歷過最離譜嘅事，曾傳被綁架失蹤，甚至驚傳其死訊。佢表示喺2010年被TVB派往南非擔任世界盃特派記者，由於當年網絡通訊唔發達，所以只能靠長途電話聯繫，不過費用昂貴，所以佢就淨係同媽媽及家人聯絡，佢冇接聽記者一晚嘅電話，結果第二日就有新聞指「高海寧在南非被綁架失蹤，後來死掉了。」之後公司安排佢報平安。不過之後佢返到香港就自爆被當地被男球迷突然錫面，咁有球迷想擁吻佢，好彩工作人員機警，一手將佢拉開先可以成功避開。

另外在6月15日高海寧於IG限時動態分享一段自拍片段，從影片中看到，高海寧左眼又紅又腫，佢就大叫救命，表示已被眼睛問題困擾一年：「救命呀，隻眼呀，究竟你要腫到幾時呀？」，又喺限時動態寫道：「我隻眼睛不停反反覆覆一年啦，唔係生眼挑針就係生濕疹，又痕又痛真係好痛苦，我真的沒有辦法了」。唔少網民認為係抵抗力和免疫力低引致呢個情況發生，提醒高海寧多休息；高海寧亦於昨晚再PO出自己紅腫眼睛嘅近鏡照，表示多謝大家關心，已完成工作返港睇眼科醫生：「醫生，請救救我，真係好好好痛呀～～！」

howardwo

典解會咁慘嘅？！