|
|
47 人案被告、社民連前副主席岑子杰5月30日刑滿獲釋。他早上 9 時半在住所外見傳媒，指在囚 4 年曾經歷情緒低落和無力感的時刻，但最暖心的是親友在牆外的支持，令他能振作起來。對於未來的路向，他表明未有計劃離港，不過目前未有打算，「未來可以做啲乜嘢，條『紅線』喺邊，我都要重新摸索下」，並坦言會有隱憂，需時適應生活。被問到對港人的寄語時，他笑指「我諗而家嘅香港人都習慣咗唔使講嘢」。
下午重返沙田瀝源探街坊
岑子杰早 上9 時半換上一件黑色背心、孭上背包到住所樓下見記者。他指自己心情複雜，在囚 4 年後與社會已脫節，不便評論目前社會上的事件，「講任何嘢都有啲不負責任」。岑亦指不希望提及牆內之事，「因為仍然有好多人喺入面，講咗對佢哋都無咩好處」。
不過岑打趣道自己 4 年間「肥咗又瘦咗」，亦坦言曾面對情緒低谷，「經歷過好唔開心、無力感，但慢慢恢復過嚟，要振作，反正點樣都係要生活」。他續指，自己最能感受的是牆外的溫暖，如親友即使在八號風球下仍堅持趕到監獄與他見面。因此，岑今早出獄後已率先與家人好好團聚，「4 年嘅分隔，係會令人好牽腸掛肚」。
下午他亦會到曾任區議員的沙田瀝源與友人午膳，並希望向當區街坊道歉，「（瀝源）始終係一個我無完成到嘅責任，抱歉，佢哋應該係期望我做足 4 年，但我係自己辭職」。岑指，他重回該區後亦希望視察社區設施有否改善，「例如街市仲有冇好嘈、電梯應該差唔多落成，呢啲都係我關心嘅嘢」。
認生活有隱憂 不打算離港：要摸索下條紅線喺邊
被問到未來打算，他指「唔知點樣打算」，因今天是出獄首日，需時適應社會的變化，「未來可以做啲乜嘢、應該做啲乜嘢、條『紅線』喺邊⋯⋯我都要重新摸索下」。
有傳媒問到有否就出獄後的生活收到「提點」，岑沉默思考良久才回答，指身邊好友亦有提醒他要先了解社會狀況。他亦坦言生活會有隱憂，「所以你見我講嘢嘅時候，都喺度諗得好緊要」。他難以釐定目前是否已屬於「自由」，「可能聽日已經見我唔到，我咪唔係一個自由嘅狀態，但就算個自由有無改變都好，我都一定比噚日嘅我自由」。
岑指暫未有離港的打算，「對我好重要嘅人都喺度（香港），零距離嘅 Long D 已經好辛苦，長距離嘅會仲辛苦」。至於對港人的寄語，他笑道「我諗而家嘅香港人都習慣咗唔使講嘢」，不過他希望能銘記受苦的人，就如當初他在牆內所感受到的一樣。
趕及見證同性伴侶框架出爐
港府因應終審法院裁定，今年 10 月必須制訂同性伴侶承認框架，亦是源於岑子杰於 2018 年就其同性婚姻案所提的司法覆核勝訴。他形容這宗官司令他看到希望，目前需先了解當局所訂立的框架內容和細節。
不過對於有部分港人或宗教反對同性伴侶締結，岑強調香港的優點在於不同價值得以並存，「往日嘅美好係因為多元，就算有基督教，唔代表中國傳統宗教唔會存在，所以同性伴侶係唔會影響異性伴侶嘅權利」。 |
-
-
評分
-
查看全部評分
|
在線雷達
發表於 2025-5-30 11:53:45
廣播
置頂
推舊帖
收嗲鳥
油顏色
發表於 2025-5-31 08:02:56
