吳保錡體育會邀林作做嘉賓 網民圍攻重提「阿叻事件」 保錡護航：大家都係認真對待！

GIRLAV

ERROR成員保錡（Poki）熱愛運動，最初他與已故街坊前新聞主播柳俊江共同創立「大埔民間體育會」，凝聚區內居民齊做運動。惟今年1月農曆新年期間，上門向「阿叻」陳百祥拜年後被網民瘋狂負評圍攻，其後刪帖道歉，數個月來都保持低調，減少在幕前演出，出席活動時亦沒有對記者發言。

前日保錡主理的體育會在IG上載帖文，表示5月27日晩7時半邀請林作分享做運動心得，又指「近年林作開始積極健身，同埋參加多個足球比賽，人稱香港恩沙基」，活動不用報名，但強調「只要有心不作騷擾就可以參加，多謝支持，繼續努力」，而保錡更以個人帳戶留言，稱呼林作做「大哥」。

活動消息公布在後，再度引來網民負評，無法接受其行為態度，甚至有跑友憤怒得揚言要退出群組，另有人留言質疑「睇嚟阿叻事件後仲未學精」，認為保錡沒有嚴選嘉賓。

保錡其後親自留言回應質疑，表示「其實講做運動又關阿叻咩事」，又解釋與林作的淵源，「我同作本身都係足球隊友！我respect佢對足球認真打認真比賽嘅熱情！唔係打啲圍威喂嘅波！你知唔知真係比賽對手唔會錫住你係乜嘢人？大家都係認真對待！」。有網民對活動表示支持，「其實個活動本質係推廣運動，何必將焦點放喺個別嘉賓身上？與其花時間批判，不如欣賞吓活動想傳遞嘅體育精神。每個人都值得有參與運動嘅機會，唔係咩？」。

howardwo

有咁嘅樹？！