鍾嘉欣做林峯個唱嘉賓牽起回憶殺 網民問「點解對常在心咁多記憶點」

GIRLAV

林峯一連七場紅館演唱會，每晚都邀請咗唔同藝人好友擔任嘉賓。喺第五場現身嘅正是林峯喺劇集《溏心風暴》嘅經典螢幕CP「常在心」、「于素秋」鍾嘉欣，阿峯更講出經典對白「沒有常在心的日子」，嘉欣亦呼叫「管家仔」，牽起回憶殺。

鍾嘉欣現身後，即晚成為網上熱話，有網民於是出post發問「點解大家對常在心咁多記憶點」 ，結果將《溏心風暴》嘅話題延燒落去，勾起好多90後以至Gen-Z嘅回憶。「果個年代 溏心風暴係一個大熱潮 個個都會仆番屋企睇」、「因為沒有常在心第xx天真係太經典」、「因為tvb 嗰陣時 d劇集真係好高質／溏心風暴一二真係太經典／我敢講而家冇一套劇可以超越到／仲記得家好月圓嗰陣時喺2008奧運／頭10集要睇完奧運成12點幾先播」、「當年家好月圓成班演員上勁歌金曲，陳奕迅直程要淪為配角。」。

howardwo

牽起回憶