女演員內地登台遭人酒中落毒要入院 江美儀險被司機留難唔俾返港「佢話我有個老細好鍾意你」

GIRLAV

由吳家樂、鄧兆尊、江美蝕及謝遜主持嘅youtube節目《娛樂好好玩》，最新一集提到鄭浩南北上登台時，遇上男眾衝上台更從後熊抱嘅事件。 主持們分享唔少內地登台見聞，江美儀更大爆有女藝人被落毒！

美儀提到有女藝人北上登台，由於有2個場搵佢同一時間演出，中間人只能安排女星去其中一處演出。美儀指女星習慣上台前會飲啖酒放鬆下，到登台當日有人請女星飲酒，女星不虞有詐照飲落肚，殊不知女星飲完呢啖酒之後開始覺得唔妥，感到頭暈同企唔穩。表演完之後女星直奔醫院，先知原來佢飲嘅酒俾人「加料」，更要喺醫院打點滴。江美儀話原來係被女星推卻演出嘅另一間夜場派人落藥，「你唔去我個場，即係唔俾面我，咪嚟搞事囉」。眾人都提醒盡量避免飲人地請嘅酒，但鄧兆尊都話好難推卻，「最麻煩唔係唱歌，係唱完歌話同你慶功嗰part」。

吳家樂亦有聽聞藝人內地登台被人「賣豬仔」嘅事。「你唱完呢場，迫你上車，叫你去第二個場，幫佢（老闆）打卡食飯影相。因為嗰個客可能俾咗錢去2處地方，但係中間被人『食夾棍』剩係嚟呢度，但係我個場拉晒橫額叫晒江美儀嚟（舉例）你唔嚟？……唔係俾唔俾面，而係中間有人收咗錢，賣咗你豬仔」。

就連江美儀都試過內地演出完返唔到香港。「我試過登完台，有啲唔係熟嘅司機哥哥，佢死都唔車我過關，佢話『我有個老細好鍾意你，去食宵夜啦』，死都唔車。卒之我要打俾個agent」。

howardwo

出埠登台演出