|
|
適逢母親節，前財政司司長曾俊華在社交平台發文，提到自己看了《虎毒不》，認為對於有意成為父母的人而言，「我反而覺得電影係向準爸媽，作出相當現實嘅提醒。」他指，要明白在感受新生命降臨帶來的快樂同時，要有足夠心理準備，跨過每一個育兒難關。
曾俊華稱老朋友俞琤為該電影投資 700 萬元，並以亡母俞吳明玉作為出品人，又引述俞琤「當日睇個劇本，係講個女主角為咗家庭，放棄自己嘅事業，呢個經歷同佢媽媽好相似，所以佢二話不說，就答應投資，作為對媽媽嘅最後致敬，佢對母親嘅愛，以至對本地電影嘅支持，令人尊敬。」
另外曾俊華亦透露5月11日除了是母親節，更是太太的生日，特別讚揚妻子「呢位媽媽真係好唔簡單，佢廿幾歲就膽粗粗，同我一齊組織家庭，到一對仔女出世，佢都係撐起成頭家嘅支柱。」他提到，妻子當年十分尊重他回港發展的意願，「二話不說拋低喺美國嘅家人同工作，一家四口搬返嚟香港。」
他表示妻子本身是護士，所以對照顧小朋友有足夠知識及經驗，又指自己年輕時工作忙、興趣多，照顧家庭的時間不及妻子多，「曾太就從來冇抱怨，但係我都會盡量喺放工之後同周末假期嘅時間，幫手睇吓細路，主要都係陪佢哋玩。不過始終媽媽看管仔女嘅時間較多，曾太就係家中嘅『紀律大隊長』，我呢，就扮演『好人』角色，講真，呢個崗位都幾唔錯㗎。」。
|
|
在線雷達
發表於 
廣播
置頂
推舊帖
收嗲鳥
油顏色
