|
|
現年50歲嘅前TVB綠葉演員何俊軒，2001年參加藝員訓練班後入行，多年嚟參演過無數劇集，代表作包括《城寨英雄》地支先生、 《踩過界》廖鼎及《同盟》Johnny Cub等等。不過佢喺2016年因拍攝《踩過界》導致十字韌帶斷裂，翌年離開TVB並與當時太太移民加拿大，除咗喺當地主持電台節目，佢亦有間中返香港拍電影，去到2019年開始佢選擇到內地開餐廳及拍攝電視劇。3月30日佢無預警喺社交網站宣布再婚，晒出與圈外太太簽字註冊結婚。
日前何俊軒喺社交網站宣布再婚，上載與圈外太太喺尖沙咀文化中心註冊簽紙照片及影片，分別寫上：「這一生中是給妳一個💍」及「成個老襯，從此被困。」何俊軒著上白色恤衫及黑色長褲，而紮上鬢邊嘅太太就著上白色長裙，睇落相當年青。
呢兩個PO一出，唔少網民紛紛留言恭喜佢，「恭喜你，見到咁開心，好感動」、 「祝福你們永遠幸福快樂，白頭到老，永結同心」、 「恭喜恭喜！新婚快樂」、 「恭喜恭喜 百年好合」、 「恭喜恭喜電視劇的你發光發亮，現實也是！祝幸福」及 「恭喜晒！」。 |
|
在線雷達
發表於 
廣播
置頂
推舊帖
收嗲鳥
油顏色
