鄧兆尊爆老豆新馬師曾風流帳 捲桃色事件賠一層半山豪宅

GIRLAV

鄧兆尊呢期為娛樂節目做嘉賓，不時爆出圈中勁料，甚至連粵劇名伶老豆新馬師曾（鄧永祥）多年前以過百萬現金還賭債一事都拎埋出嚟。早前於加拿大定居嘅李婉華回港，搵娛樂KOL潘小文同埋鄧兆尊一齊食飯開直播，提到同三位「紅顏知己」好耐冇「親密接觸」，假如女友有需要，兆尊就話「入紙申請囉，等我儲定啲能量同你開戰」。

原來同一個直播入面仲有另一個話題好爆。李婉華問到多年前鄧兆尊同陳彥行嘅緋聞，到底係邊個追邊個，兆尊好爽快咁話「係有好感，不過唔追得」。婉華於是追問點解，兆尊指係老豆唔俾佢同圈中人拍拖，「交帶落，圈入面唔好亂咁『食嘢』呀」，更大爆原因係老豆祥哥「自己瀨過嘢吖嘛」、「『食」錯少少嘢就冇咗個別墅」。

鄧兆尊憶述事件時提到，以前祥哥有個港島豪宅松柏新村單位，「有啲嘢發生咗，有人上咗嚟（屋企）問……攞服務費」，就係咁冇咗層松柏新村。兆尊指，當時媽媽洪金梅（祥嫂）親自應門，俾完錢之後返入屋同祥哥講「你嗰日好似上咗去做咗啲嘢喎，條鎖匙拎嚟」。兆尊指當時個單位價值數以千萬計，仲話差啲可以同容祖兒做鄰居。

根據資料，位於港島司徒拔道嘅松柏新村1970年落成，係東半山老牌豪宅。雖然近年樓市回落，但係松柏新村樓價都仲維持喺每平方呎2萬蚊左右水平，最新一宗買賣嘅2363呎單位，以4950萬元成交，可想而知新馬師曾喺嗰次事件損失幾多！而向來有買「磚頭」保值嘅容祖兒，多年來都持有松柏新村單位，3年前有傳該單位以近10萬元租出。

howardwo

陳年風流賬