36歲朱千雪被野生捕獲 身形略顯圓潤網民以為認錯人

GIRLAV

朱千雪（Tracy）2019年與同年同月同日嘅青梅竹馬醫生男友吳昆倫（Justin）結婚，婚後淡出幕前，轉行成執業大律師，去年5月一索得男。朱千雪現時已鮮有於幕前出現；日前有網民於社交平台分享喺Art Basel偶遇朱千雪嘅照片，指唔係太肯定係咪朱千雪本人。

該網民以「Art Basel遇到的是不是千雪bb」為題發文，相中嘅朱千雪身穿藍綠色透視上衣搭配深藍色長裙及白色高跟鞋，不過身形比過往腫脹，更驚現肚腩仔，唔少網民留言確定係朱千雪，有網民表示朱千雪圓潤咗唔少，但都有網民認為朱千雪依然甜美：「是千雪吧」、「大隻左甘多」、「感覺像，有感覺不像，體態有點...」、「點解人地肥係走樣，千雪BB只係長肉，個樣都冇變，仲系咁元氣、陽光」、「還是很甜美」、「雖然圓潤了一些，但看起來像是她，胖了還是頭小臉小，果然是明星」等等。

及後朱千雪都有喺社交平台分享欣賞Art Basel嘅影片及照片，被網民大讚靚女：「Tracy 越來越靚」、「女神」、「pretty」、「Cute」等等，陳凱琳亦留言讚賞朱千雪：「Intelligent and beautiful mama（聰明又美麗的媽媽）」。

howardwo

keep得唔錯