|
|
網上不時有人爆料藝人「真面目」，3月26日就有自稱曾經做過PA（製作助理）嘅網民喺Threads上面發文，直指「TVB 姓麥 好x嘈嗰位女士」份人冇乜禮貌，「行內人其實好多人都唔鍾意佢／但係佢就覺得自己好似屈屈不得志咁／又唔知自己寸嘴兼大聲」，甚至燒埋拍檔嗰疊，「想當年連佢個好拍檔 周xx／都話佢塊面大過pizza」。
同爆料人描述相當吻合嘅麥美恩，就用自己帳戶喺帖文留言「吖啊 你開全名啦」，不過爆料人未有回應。而其他同麥美恩接觸過嘅網民都有留言，力證Mayanne有禮貌而且工作態度專業。「見過真人，做嘉賓都勁專業，記得當日三個醫生第一次拍攝做主持，佢做嘉賓帶住佢哋，勁快完成，有人仲好nice，好有禮貌」、「公司好幾年annual dinner請佢嚟做司儀，完全無問題仲好有禮貌」。亦有曾經係PA嘅網民話，多年前佢做到焦頭爛額之際，麥美恩幫手照顧前輩子明叔（余子明）上車。
同Mayanne好老友、曾經喺TVB做主持嘅駱胤鳴都有留言幫手撐麥美恩，「on show前幾日收到稿 問我啲中文名 好難嘅字點讀 就知佢好乖會做功課 尊重嘉賓唔好讀錯人哋個名」。 |
|
在線雷達
發表於 
廣播
置頂
推舊帖
收嗲鳥
油顏色
