張家輝與老婆關詠荷撐枱腳被店員捕獲 網民大讚保養得宜：荷姐60歲似40歲

GIRLAV

香港驚慄電影《贖夢》由張家輝自導自演，並搵嚟陳法拉、劉俊謙及許恩怡等主演，近日張家輝馬不停蹄宣傳，例如喺Threads以角色名「蔡辛強」開新帳戶同網民互動及喺廟街擺檔聽人分享惡夢等等。日前佢忙裡偷閒與老婆關詠荷食拉麵，期間被店員捕獲兼合照，關詠荷被網民大讚保養得宜。

日前張家輝與老婆關詠荷去食拉麵撐枱腳，期間被店員捕獲兼合照，之後拉麵喺Threads上載合照並寫上：「突發！小編捕獲疑似強哥同老婆撐枱腳！！希望今日強哥食完我哋嘅招牌拉麵，今晚唔會發惡夢啦🙈」。

呢個PO一出，網民除咗留言表示羨慕之外，唔少網民更大讚關詠荷保養得宜，留言話「荷姐60歲似40歲wor......」、「關詠荷點似60歲呀 超正」、「關詠荷仲係咁靚咁有氣質」、「荷姐真係好後生，保養得好好」、「關詠荷真係好靚！一直無變過」、「大癲，陀槍師姐啲回憶返晒黎 」、「荷姐好靚」、「關小姐keep到👍🏻👍🏻👍🏻」、「關詠荷仲係好靚」及「好耐無見關詠荷啦 仲係咁靚女 」等等。

funnytey

関美人還是一樣靚麗可愛

howardwo

兩公婆撐枱腳

littletrumpet

模範夫妻