43歲唐寧一改甜美仙氣形象 Man爆肌肉相惹熱議 網民：完全認唔出係你呀

GIRLAV

年43歲嘅唐寧（本名江麗娜）係童星出身，曾接拍唔少廣告和電視劇集，陪伴一眾香港人成長，外貌標緻嘅佢更被譽為「童顏天花板」。2022年唐寧舉家移居紐西蘭奧克蘭生活；縱然淡出娛樂圈，但唐寧仍活躍於社交平台分享生活日常，日前佢上載多張Man爆肌肉照片，由於同以往仙氣女神形象有太大出入，引起網民兩極評論。

喺2月6日，唐寧喺社交網站上載多張Man爆肌肉照片，並留言話：「上年7月開始跑步，11月頭去咗跑步11km “Run The City”，繼而11月中開始力量訓練，今年2月頭去咗玩 “Hyrox”，之後3月頭都仲有啲嘢玩，不過係會輕鬆好多嘅8.4km Fun run🤣對於從來都冇認真做過呢種訓練嘅我，真係冇諗過用兩個半月時間，可以操到完成咗呢個有啲癲嘅比賽。今次我參加嘅係女子雙人嘅組別，好感恩隊友唔介意帶住我呢個新手玩，亦好感恩Join咗一間好有heart嘅Gym，係佢哋令我完成咗一樣，我諗都冇諗過會做嘅嘢。😭其實有好多感受我到而家都未整理到，你哋睇吓有冇冇嘢想問我，或者我搵日開個live傾吓偈！如果呢度有朋友仔唔知Hyrox係搞啲咩嘅，歡迎你哋上網search吓！總之就正啦！」

呢個PO一出，隨即引起網民熱烈討論，原因係唐寧一向俾人甜美及仙氣十足嘅感覺，但近照竟然係呈現截然不同嘅形象。唔少網民認為佢型到爆，留言話：「型到喊」、「努力 改變人生」、「真係無嘢難到你，勁」、「女中豪傑你改變形象更好」、「勁！靚！正！」、「好犀利，讚讚」、「好犀利呀！」及「叻叻！」等等；不過亦有網民覺得佢以前好啲，留言話「完全認唔出係你呀」、「近排的你真是很顛，運動健康形象爆滿，但都不可忘記自己係靚女迷人型，間中要做回靚靚女神，post下靚相先得呀」、「以前好可愛」、「而前真心索，而家受了咩刺激搞到咁」、「冇哂少女味」、「咩事」及「明明以前佢做大唐雙龍傳係咁鬼靚 估唔到而家搞成咁」等等。

howardwo

型象大轉變

funnytey

最後的那張照片裏的她的確非常靚麗可愛啊