|
|
每逢年三十晚，香港人的吉祥物「夏蕙BB」總以生肖造型亮相，在善信逼爆的黃大仙祠，格外耀眼。黃夏蕙曾經高齡移民，不足兩年又高齡回流。無論在那裏生活，年三十晚她都要見「大仙」、上頭炷香，風雨不改。已屆94歲的夏蕙姨接受《Yahoo新聞》專訪時慨嘆，移美生活反而「無晒自由」，活了接近一世紀，她最喜愛的還是香港。在娛圈縱橫一生，她回流後希望開拍電影《夏蕙傳》，留住香港回憶。
夏蕙姨受訪時健步如飛，拐仗也不用拿；人雖老但心不老兼轉數快，不時與合作逾十年的經理人Simon鬥嘴；她豪言為演藝事業搏盡，從扮鬼扮馬到「扮死」，甚至要求性感，她都不拘，Simon「窒」她，「唔好著衫拍吖笨！」夏蕙姨回嘴：「無所謂呀，畀得起錢我就得！」
回港見「大仙」、食燒雞
移民後回港第一件事，夏蕙姨說「黃大仙一定要去」，拜神兼搶頭炷香。除了見「大仙」，就是見朋友，「好多朋友好錫我，我一定要（見），個個都要見」。「我好鍾意香港好多風味」，她最愛普洱與蜜糖，「我已經飲咗幾十年，所以我要返翻嚟香港」。還有灣仔餐廳「薔紅」的燒雞，「真係好好食」，是回憶中屬於香港的味道。去年有人發現她也是Mirror演唱會的座上客，「我一定去㗎！姜濤！我鍾意佢㗎！唔會鍾意第二個！」就算之後往美國探親，也會回來香港，「喺香港，我4點鐘又可以出街食嘢，又可以同朋友會（面），喺美國我無辦法，乜嘢手信都買唔到返嚟！」。
移美「老年再就業」：無晒自由！
夏蕙姨2022年一度移居美國西雅圖，與女兒團聚。她形容居美生活忙得像「老年再就業」，「全世界喺嗰邊嘅香港人都認得我」 ，「我喺美國仲紅過呢度呀！我日日有show㗎無呃你，由晏晝至到夜晚」。在那邊常常登台，女兒充當在美國的經理人，「去美國咁耐，我一個人都未曾試過喺一間（百貨）公司行過，supermarket都未行過，我個女接晒啲order，做到12點我跟住佢，宵夜都唔畀我，要捉我返屋企」。她以往在港深夜兩點也會找朋友吃宵夜，笑言在美國「我無晒自由呀，真係無一日得閒㗎！」。
她在美國亦幫圈中好友登台，「周啟生嚟到我都幫佢義唱，唱咗兩日」，薛家燕到美國，她也捧場，「我整啲銀紙花畀佢，自己摺……親手送畀佢」，「所以我做show佢都有自己嚟，我真係好感謝佢」。人們說女生外向，夏蕙姨尤甚，「我本性鍾意咁樣，令人開心，自己又開心，唔係錢嘅問題」。
經理人嘲：刁蠻大齡港女
夏蕙姨的經理人Simon常笑說她是「大魔頭」，多番強調她是刁蠻的大齡港女。夏蕙姨笑說：「成日畀Simon鬧，嚟得早又唔得，嚟得遲又鬧，呢個世界唔係早就遲㗎啦！」Simon解釋，「例如call time兩點，佢一係遲到，一係就12點幾就到，話要飲『茶走』，搞到我裙拉褲甩，好呢hea！」
夏惠姨性格隨性、「坐唔定」， 受訪途中突然接電話「講幾句」，原來是朋友致電又捨不得收線，Simon最終將電話搶過來，向話筒另一方指夏蕙姨正受訪，晚點回電。夏蕙姨即抱怨：「做咩同我收咗線！」Simon向記者直言：「佢係個港女嘅始祖嚟、又刁蠻、又任性」，但又笑言：「佢又唔係all the time都係女魔頭嘅哈哈，佢對小朋友、老人家都做好多慈善活動，我自己都同佢講，好佩服，如果我有94歲命，我有無咁嘅魄力？」夏蕙姨曾參與罕見病患者遊迪士尼的活動及拍攝，Simon形容她「由朝玩到晚」精力滿滿，「夜晚7點先拍完，佢仲話煙花8點半想睇」。不過最終她另有約會離開，「但都行足咁多個鐘頭」。
移居美國不足兩年又回到香港，夏蕙姨希望拍攝電影《夏蕙傳》。若然成事，就更要留在香港。雖然性格隨性，但拍電影並非三分鐘熱度，「我已經諗咗好多年，不過嗰陣時得個講字」，「（電影）我想喺大檔期，唔想鬼鬼祟祟咁上，因為搵得投資者都要對得住人哋」。惟目前尚在尋找投資者。Simon說：「真係好想拍一套除咗係屬於BB嘅電影之外，真係好想有（對香港的）記憶、有回憶」；他更笑言：「呢部電影要揭穿黃夏蕙嘅真正面目，又刁蠻」。夏蕙姨搭嘴，「因為我有錢呀嘛！」Simon答：「嗱，唔係我講㗎你講㗎咋！」夏蕙姨解釋：「因為乜嘢（錢）都係我自己出嘅，所以我好任性，但我任性得嚟好有規矩」。
年過九旬，除了開拍自傳電影，夏蕙姨的最終願望是透過夏蕙慈善基金「做嘢、做善事」、「想搞得更宏遠」。她指東莞有間老人院獲政府批地，需要投資者投資，「未圓嘅心願就係呢間老人院，希望用呢個基金完成我嘅願望」，供香港人北上養老，「喺香港真係養唔起老人家，（老人院）太貴你（家屬）點做？」夏蕙姨對此很在乎：「因為我係屬於香港」。 |
|
在線雷達
發表於 2025-1-23 11:48:24
廣播
置頂
推舊帖
收嗲鳥
油顏色
