雲浩影被男主持奇怪問題嚇到眼凸 網民不值出post︰低俗當有趣

GIRLAV

女歌手雲浩影喺叱咤頒獎禮上得獎而成為討論焦點，唔少巴打認為Cloud係新一代仙氣女神，新碟造型照更被認為力迫張柏芝全盛時期！

出新碟自然要做宣傳，早前雲浩影接受KOL艾力訪問，提到Cloud早前先第一次去日本旅行，行程包括浸溫泉，然後艾力突然問Cloud「點解唔見你post浸溫泉嘅相？」。雲浩影聽到當堂窒一窒，然後問「浸溫泉要post相嘅咩？浸溫泉冇著衫架喎！」。艾力就話「好多人浸溫泉post相架！」，Cloud似乎唔知點反應，無奈咁答話「哦……我冇影到呀！我錯失咗呢個流量密碼」。

有自稱唔係雲浩影 Fans嘅網民，對於艾力問Cloud「點解唔見你post浸溫泉嘅相？」呢個問題好有意見，喺社交平台出post寫道「點解一個歌手訪問會被（問）『點解唔post浸溫泉相』？一個女被問呢種問題係有幾咁尷尬？我就唔信佢訪問男歌手會叫人post浸溫泉相呀！

作為女性我真係聽得好唔舒服」、「作為普通人，無主持專業都識睇身體語言吧，Cloud個反應明顯係尷尬點解仲要追落去？」。有留言同意睇法指「完全零尊重， 低俗當有趣」、「呢位主持就純粹為問而問，睇同問既都尷尬」。亦有人認為「post浸溫泉相」呢個問題好普通，「好多女藝人都會自己post 浸溫泉相，影吓個背面啊，側面啊，影出嚟效果都幾靚架。 你唔諗到咁色情咪冇問題囉。 一個咁普通嘅問題都話性騷擾？」。

howardwo

一般般啫！