龔耀輝 - 三件事無法掌握

lv33388 · 發表於 2009-4-14 02:18:50

基金經理被裁後做老闆

中環甲級寫字樓，大樓面的相信會持續滯銷，但其他千零方呎較細小單位，位處並非最核心地區的寫字樓，可能有一定需求。根據一位「唔係點睇」《信報》、今天已經出外遊埠而所以唔知我「講緊」佢嘅基金經理所講，部分buy-side 都已經繼 sell-side 之後開始炒人。既然想搵工都「冇」，在機會成本接近零的情況下，隨時自己開檔，小本經營。

全世界最 scalable 的生意，就是幫人管錢，你走上雲咸街一些舊式寫字樓，其實有甚多「小貓三四隻」但坐擁一百幾十球美元的資產管理公司。今時今日，有錢人仍在，但願意「科水」的有銀士大減。不過，小本經營依然有得做。況且大市跌到谷底，想要勁輸都難。大量金錢之王自己做老細，金融海嘯並非一無是處。

《金融時報》列出十大避免黑天鵝再現的方法，其中一項跟我所說一樣，要管理好自己的事。過去半年的教訓是世上有三件事你是無法掌握——你份工、你嘅投資同埋電盈（008）能否私有化。既然份工同投資都「冇」保障，唯一方法是建立及管理好你自己的事業。當然，並非人人都可以自己開檔，基金經理可以幾個人湊夠二十球美元開波，唔通銀行職員被裁後走出來開銀行？

千萬不要鬥志盡失
各有前因，究竟你有什麼方法可以開展自己事業，只有你自己知。幾時開始都未算遲，最怕是你鬥志盡失，咁就神仙難救。

這個星期恒指雖然輕輕上升三百幾點，但其實幾日間的波幅相當可人。乘勢而上隨勢而落的炒家，可以過一個開心復活節假期。在未有明確趨勢下，「買吓賣吓」就是今年的投資策略。

大戶可以沽空，散戶其實都有方法在跌市中賺錢（容後再講）。嗰位今天已經出門遊埠的基金經理，都話呢兩年最大夢想是保住條命！連高手都是人同此心，就知道未來日子應該用什麼心態度過。做最好準備及最壞打算，就是我們的生活口訣。