黃翠如蕭正楠意外曝光大埔千呎獨立屋 曾於後花園搭帳篷睇星星極具情趣

GIRLAV

黃翠如與蕭正楠於2018年結婚，上個月宣布懷有愛情結晶品。黃翠如公布懷孕喜訊之後，不時分享陀B日常，日前更意外曝光大埔千呎獨立屋內部裝潢。

二人當年結婚後搬入大埔康樂園千呎獨立屋，為區內最大型嘅低密度住宅之一，亦有唔少明星鄰居，包括許冠傑、古巨基、楊千嬅等等。早前黃翠如於社交平台分享與老公蕭正楠冬至活動，表示外出食咗車仔麵、混帳腸粉、買咗一棵名為幸運樹嘅植物，回到家又與蕭正楠打機，對方更煮飯畀佢食。從照片中睇到，愛巢裝潢簡約，客廳闊落，擺放巨型電視及植物後，仍見有唔少空間；另外，客廳和花園之間使用整片落地玻璃窗，加強室內光線。

黃翠如與蕭正楠一直恩愛非常，過往曾經極有情趣，於後花園除咗擺放巨型聖誕樹，又曾搭帳篷睇星星；由於後花園空間寬敞，黃翠如不時都會喺後花園拍攝。

howardwo

豪貴家居