TVB總經理曾志偉早前同女兒曾寶儀為台灣飲食節目《夜市王》做嘉賓，兩父女因為對食物調味睇法唔同而喺節目中口角，曾志偉放大絕爆出一句狠話令女兒收聲，結果惹來網民非議，但「獎門人」居然仲話「好爽」！
曾志偉父女喺該節目擔任評審，二人對同一道菜「白帶魚卷」各有意見。曾志偉認為菜式應該要有醬汁調味，但曾寶儀聽罷立即敲鑼表示唔同意，表示「我認為好的食物就是直球對決。做的人覺得我這樣做就是最好吃的，我就不要給你別的選擇」。作為老豆嘅曾志偉反駁話「這就是我的女兒。小孩子不懂事」。曾寶儀隨即向老豆反擊「我反而覺得是沒有長大的孩子，才會什麼東西都想試一下」，而曾寶儀在節目插入的訪問中再重申曾志偉口味好似細路，鍾意醬料夠多，寶儀直言「就是東西本身不夠好吃，醬料才要這麼多」。
呢個時候兩父女都笑笑口，其他藝人都想幫手解圍，但係曾志偉曾寶儀繼續就醬汁問題爭拗，曾寶儀直指之前有廚師奉上幾款醬汁係「多餘」，曾志偉居然爆seed向個女講「其實唯一的多餘，就是她來了這個地球！」，全場立即起哄，曾寶儀亦當堂冇聲出，以笑回應。
有網民為曾寶儀感到不值，尤其是曾寶儀年幼時曾志偉同前妻寶媽（王美華）離婚，曾寶儀搬到台灣由爺爺嫲嫲照顧長大，因此曾志偉嘅言論更受網民非議。
曾志偉尋日喺台灣出席活動就言論作解釋，話做美食節目評審如果一直講好食會太悶，因此想講好笑嘅說話，對住個女就可以講得狠啲。「我們在這行業很有默契，都知道是為了效果。」不過曾志偉承認有香港朋友都話「多餘論」太狠，但亦強調同曾寶儀感情好好。
至於曾寶儀就喺facebook發文回應，寫道「我現在心裡沒有那個洞，所以這句話我聽了完全沒有感覺，放心」、「雖然他沒有明說，我現在已經完全不會懷疑他很愛我，或者就像十幾歲時的我寫信給他時的心情一樣。你不用回信，你知道我在這就好。謝謝大家啦！我知道你們真的很愛我！」，並貼上一幀父女合照。
以上影片乃youtube提供,與本站無關; 若無法觀看,可查看 原網址。 | 
在線雷達
發表於 
廣播
置頂
推舊帖
收嗲鳥
油顏色
