陳詩欣生活富泰豪花八千蚊搵「通渠佬」服務

GIRLAV · 發表於 2024-12-21 11:29:01

前TVB小花陳詩欣（Eunice）2021年尾下嫁圈外有米男友陳爾正（Joshua）後淡出幕前，婚後進駐千呎半山豪宅，經常周遊列國過少奶奶生活。不過日前她自爆家中遇上塞渠，所以網上尋找通渠服務結果中伏。陳詩欣分享了載了一張收據後表示：「話說！屋企廁所條渠塞咗，咁我哋就好心急就網上搵通渠師傅，原來通渠師傅真係唔可以亂咁搵，佢話幫我哋通咗收咗我哋4200，仲叫我哋12個鐘頭唔好沖廁，我哋就好乖，點知12個鐘後一去廁所啲水源源不絕咁湧！跟住我哋凌晨打電話俾管理處問有冇相熟用開的師傅，師傅超好，真係幫我哋通返條渠補返廁所條邊，收我哋4000，前後兩日我哋為咗個廁所洗咗八千幾蚊。」她又補充：「留意！張單係唔會有公司名，根本係搵唔返原本第一次整嗰個師傅。」