網上熱話｜尖沙咀站港鐵職員與白褸男「貓捉老鼠」 拔足狂奔似賽跑

GIRLAV

社交平台facebook及Threads在12月16日 流傳一段影片，帖文題為「突發，尖沙咀站貓捉老鼠大戰，前面條友贏緊2個馬位，為咗1千蚊你既速度可以有幾快？」

影片可見尖沙咀站一名港鐵長髮女職員，正在站內大堂追趕一名穿白色褸的男子，二人如同賽跑，惹來不少途人注視，有女聲大叫「唔好跑」。另於社交平台Threads有關討論，一名自稱任職「查飛隊」的網民回應事件時稱「尖沙咀站，畀我追到你那個人...希望你記得我啦，感謝你的罰款，希望你睇到  By:有份捉你第二個人」

網民熱議步姿好得 「港隊需要你」
事件引起網民熱議，留言表示「捉逃票？」、「跑嘅步姿好得」、「職員跑步姿態好自然，有跑過下咁喎」、「香港代表隊需要你」、「兩位喺站內奔跑要罰款」、「港鐵馬拉松」、「去到電梯個個左右企穩，逃跑條友就輸呢個位」、「睇片覺得佢兩個都跑得好快」、「做下運動啫」、「港鐵應該要加人工畀呢位咁盡責的職員」、「跑步專才」、「入職前要考埋體能先得」、「最後點呢」。

逃票及違規使用車費優惠違反港鐵附例，為了加強打擊相關行為，港鐵已於去年6月上調附加費款額，重鐵網絡附加費由港幣500元增加至1,000元。

LasCases

步速好快，後上不及。

howardwo

地鐵逃票老鼠