菊梓喬吳保錡拍拖斷正？被拍到同ERROR成員食完飯當街拖手搭膊頭

GIRLAV

菊梓喬Hana同ERROR成員吳保錡被傳拍拖多時，今年中Hana被爆同保錡喺女方屋企附近商場行超市買廁紙，雙方儼如老夫老妻，而且冇戴口罩遮樣，毫不避忌。而Hana同保錡一直未有承認戀情，只係互相讚對方，最多都係話「了解中」。

不過菊梓喬同吳保錡應該了解得差唔多嘞，有網媒上載片段，指Hana同保錡喺新蒲崗街頭拖手兼箍頸，片段所見疑似Hana撓住保錡，同同行男女有講有笑。據報導指，Hana、保錡同埋ERROR經理人濟哥、ERROR隊長肥仔（梁業）以及幾位朋友一齊去打冷，Hana及保錡食完飯同另外2位朋友先行離開。

雖然有晒片睇，不過暫時菊梓喬同吳保錡都未有喺社交平台作回應，最多只係宣傳下各自即將舉行嘅演唱會。

howardwo

關人戀事！